Shree Mohan bdr. Bohra

सम्पूर्णमा नमस्कार, श्री भानु माध्यमिक विद्यालय दोधारा चाँदनी ६ कंचनपुरको तर्फवाट सम्पूर्ण महानुभावहरुमा हार्दिक अभिभावदन व्यक्त गर्दछु। शिक्षा कुनै पनि राष्ट्रको निर्माण र दिगो विकासको आधार स्तम्भ हो । यसै सन्दर्भमा दृढ विश्‍वासका साथ हामी बाल कक्षादेखी कक्षा-१२ सम्म साधारण धारतर्क र प्राविधिक धारतर्फ, कक्षा-९ देखि कक्षा-१२ सम्म कम्प्यूटर ईन्जिनियरिङ्ग तथा CTEVT अन्तर्गत १८ महिने बाली-विज्ञान विषयमा गुणस्तरीय शिक्षा प्रदान गर्ने लक्ष्य सहित अघि बढिरहेका छौं । जसले गर्दा विद्यार्थीहरुलाई ब्यबहारिक तथा प्राविधिक ज्ञानमा शसक्त बनाउँदै रोजगारमुखी शिक्षा प्रदान गर्ने लक्ष्य राखिएको छ।

हामी नवीनतम प्रविधिको समूचित प्रयोग, अनुशासित शैक्षिक वातावरण, दक्ष शिक्षक तथा विद्यार्थी केन्द्रित शिक्षण पद्धति मार्फत समग्र शैक्षिक विकासमा प्रतिबद्ध छौं । हाम्रो लक्ष्य भनेको विद्यार्थीहरुलाई सिर्जनशील, नैतिक जिम्मेवार र सक्षम नागरिककारूपमा विकास गरी देश निर्माणमा योगदान दिनसक्ने असल नागरिक तयार गर्दै समाजसेवा गर्नु हो। यो वेबसाईट मार्फत अभिभावक, विद्यार्थी तथा समाजका सम्पूर्ण सरोकारवालाहरु सँग सहकार्य र समन्वय गरी पारदर्शिता कायम राख्दै विद्यालयका विविध गतिविधि उपलब्धि तथा सूचनाहरू संप्रेषण गर्ने उद्देश्य राखेका छौं । सबैको साथ, सहयोग र विश्‍वासले हामी अझ उत्कृष्‍ठ शिक्षालयको रुपमा अघि बढ्ने छौं भन्ने पूर्ण विश्‍वास लिएका छौं। यहाँहरूको बहुमूल्य सुझाव र सहयोगका लागि यो विद्यालय सदैव स्वागत गर्दछ धन्यवाद। मोहन बहादुर बोहरा प्रधानाध्यापक श्री भानु माध्यमिक विद्यालय दोधारा चाँदनी - ६, कंचनपुर